ᠯᠤᠢᠷᠤᠪ(1935 —2018)᠂ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ᠂ ᠰᠢᠨᠵᠢᠶᠠᠩ ᠤᠨ  ᠢᠯᠢ ᠶᠢᠨ ᠨᠢᠯᠬ᠎ᠠ ᠰᠢᠶᠠᠨ ᠳᠤ ᠲᠦᠷᠦᠵᠡᠢ᠂ ᠨᠢᠭᠡᠳᠦᠭᠡᠷ ᠪᠦᠯᠦᠭ ᠤᠯᠤᠰ ᠤᠨ ᠲᠡᠰ ᠤᠨ ᠪᠣᠳᠠᠰ ᠤᠨ ᠪᠤᠰᠤ ᠰᠣᠶᠣᠯ ᠤᠨ ᠥᠪ ᠤᠨ ᠲᠦᠷᠦᠯ ᠵᠦᠢᠯ ᠪᠣᠯᠬᠤ ᠭᠡᠰᠡᠷ ᠤᠨ ᠲᠥᠯᠥᠭᠡᠯᠡᠭᠴᠢ ᠴᠢᠨᠠᠷᠲᠠᠢ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠭᠴᠢ᠃ ᠯᠤᠢᠷᠤᠪ ᠤᠨ 《ᠭᠡᠰᠡᠷ》 ᠬᠠᠢᠯᠠᠬᠤ ᠨᠢ ᠮᠠᠰᠢ ᠣᠨᠴᠠᠯᠢᠭ ᠲᠠᠢ᠂ ᠲᠡᠷᠡ ᠶᠠᠮᠠᠷ ᠴᠦ᠍ ᠬᠥᠭᠵᠢᠮ ᠬᠡᠷᠡᠭᠯᠡᠬᠦ ᠦᠭᠡᠢ ᠪᠠᠷ ᠰᠢᠭᠤᠳ ᠬᠠᠢᠯᠠᠳᠠᠭ᠃ ᠲᠡᠭᠦᠨ ᠤ  ᠬᠠᠢᠯᠠᠭᠰᠠᠨ  ᠣᠢᠷᠠᠳ 《ᠭᠡᠰᠡᠷ》 ᠨᠢ ᠤᠷᠤᠰᠤᠮ᠎ᠠ  ᠰᠠᠢᠬᠠᠨ᠂ ᠠᠶᠠᠯᠭᠤ ᠨᠢ ᠬᠦᠩᠭᠢᠨᠡᠮ᠎ᠡ᠂ ᠮᠠᠰᠢ ᠰᠣᠨᠣᠰᠪᠤᠷᠢᠲᠠᠶ ᠪᠠᠢᠳᠠᠭ᠃ ᠯᠤᠢᠷᠤᠪ ᠤᠨ ᠬᠠᠢᠯᠠᠭᠰᠠᠨ《ᠭᠡᠰᠡᠷ》 ᠨᠢ ᠭᠤᠣᠯᠳᠠᠭᠤ《ᠳᠤᠮᠳᠠ ᠽᠠᠮᠪᠤᠲᠢᠪ ᠢ᠋ ᠲᠦᠪᠰᠢᠨ ᠵᠢᠷᠭᠠᠯ ᠲᠠᠢ ᠪᠣᠯᠭᠠᠬᠤ ᠶ᠋ᠢᠨ ᠲᠤᠯᠠ ᠨᠢᠰᠤᠬᠠᠢ ᠵᠣᠷᠤ ᠲᠡᠭᠷᠢ ᠡᠴᠡ ᠪᠠᠭᠤᠨ ᠢᠷᠡᠭᠰᠡᠨ ᠨᠢ》᠂ 《ᠨᠢᠰᠤᠬᠠᠢ ᠵᠣᠷᠤ ᠥᠭᠡᠯᠡᠢ ᠪᠣᠯᠵᠤ ᠠᠯᠳᠠᠷᠰᠢᠨ ᠳᠠᠭᠤᠷᠢᠰᠤᠭᠠᠳ ᠨᠤᠲᠤᠭ ᠤ᠋ᠨ ᠮᠥᠷᠦᠢᠴᠡᠭᠡᠨ ᠳ᠋ᠤ᠌ ᠲᠦᠷᠦᠭᠦᠯᠡᠭᠡᠳ ᠬᠠᠲᠤᠨ ᠵᠠᠯᠠᠭᠰᠠᠨ ᠨᠢ》᠂ 《ᠱᠠᠯᠠᠮᠠᠭᠠᠢ ᠪᠠᠭᠠᠲᠤᠷᠴᠤᠳ ᠠᠯᠲᠠᠨ ᠠᠮᠢ ᠪᠠᠨ ᠦᠷᠡᠭᠳᠡᠭᠦᠯᠵᠦ  ᠰᠢᠷᠠᠢᠭᠤᠤᠯ ᠤ᠋ᠨ ᠭᠤᠷᠪᠠᠨ ᠬᠠᠨ ᠢ᠋ ᠳᠠᠷᠤᠭᠰᠠᠨ ᠨᠢ》᠂《ᠠᠷᠪᠠᠨ ᠲᠠᠪᠤᠨ ᠲᠣᠯᠤᠭᠠᠢ ᠲᠠᠢ ᠠᠩᠳᠤᠯᠮ᠎ᠠ ᠮᠠᠩᠭᠤᠰ ᠢ᠋ ᠳᠣᠷᠤᠢᠲᠠᠭᠤᠯᠵᠤ ᠠᠮᠠᠷᠠᠭ ᠠᠬ᠎ᠠ ᠵᠠᠰᠠᠰᠢᠬᠢᠷ ᠢ᠋ᠶ᠋ᠡᠨ ᠪᠠᠭᠤᠯᠭᠠᠨ ᠢᠷᠡᠭᠦᠯᠦᠭᠰᠡᠨ ᠨᠢ》᠂ 《ᠯᠤᠪᠰᠤᠭ᠎ᠠ ᠮᠠᠩᠭᠤᠰ ᠭᠡᠰᠡᠷ ᠬᠠᠭᠠᠨ ᠢ᠋ ᠡᠯᠵᠢᠭᠡ ᠪᠣᠯᠭᠠᠭᠰᠠᠨ ᠳ᠋ᠤ᠌ ᠠᠯᠤ  ᠮᠡᠷᠭᠡᠨ ᠰᠡᠴᠡᠨ ᠠᠷᠭ᠎ᠠ  ᠪᠡᠷ ᠠᠪᠤᠷᠠᠨ ᠭᠠᠷᠭᠠᠭᠰᠠᠨ ᠨᠢ》᠂《ᠲᠠᠮᠤ ᠶ᠋ᠢᠨ ᠣᠷᠤᠨ ᠡᠴᠡ ᠡᠵᠢ ᠶ᠋ᠢᠨ ᠢ᠋ᠶ᠋ᠡᠨ ᠰᠦᠨᠡᠰᠦ ᠶ᠋ᠢ ᠬᠠᠢᠵᠤ ᠲᠡᠭᠷᠢ ᠶ᠋ᠢᠨ ᠣᠷᠤᠨ ᠳ᠋ᠤ᠌ ᠳᠠᠬᠢᠨ ᠲᠥᠷᠦᠯ ᠣᠯᠭᠤᠭᠰᠠᠨ ᠨᠢ》ᠭᠡᠬᠦ ᠵᠢᠷᠭᠤᠭᠠᠨ ᠪᠦᠯᠦᠭ ᠪᠣᠢ᠃ ᠲᠡᠭᠦᠨ ᠤ  ᠬᠠᠢᠯᠠᠭᠰᠠᠨ  ᠵᠢᠷᠭᠤᠭᠠᠨ ᠪᠦᠯᠦᠭ ᠣᠢᠷᠠᠳ 《ᠭᠡᠰᠡᠷ》 ᠢ ᠨᠢᠭᠡᠨᠲᠡ ᠰᠢᠩᠭᠡᠭᠡᠵᠦ᠂ ᠲᠡᠮᠳᠡᠭᠯᠡᠨ ᠡᠮᠬᠢᠳᠬᠡᠬᠡᠳ ᠤᠷᠢᠳ ᠬᠤᠵᠢᠳ ᠥᠪᠥᠷ ᠮᠣᠩᠭᠤᠯ  ᠤ᠋ᠨ 《ᠭᠡᠰᠡᠷ》 ᠤᠨ ᠠᠵᠢᠯ ᠤᠨ ᠤᠳᠤᠷᠢᠳᠬᠤ  ᠳᠤᠭᠤᠢᠯᠠᠩ ᠤᠨ ᠠᠯᠪᠠᠨ ᠭᠡᠷ ᠤᠨ ᠨᠠᠢᠷᠠᠭᠤᠯᠤᠨ ᠬᠡᠪᠯᠡᠭᠦᠯᠦᠭᠰᠡᠨ 《ᠭᠡᠰᠡᠷ》 ᠤᠨ ᠮᠠᠲ᠋ᠧᠷᠢᠶᠠᠯ ᠤᠨ ᠳᠡᠪᠲᠡᠷ ᠪᠠ《 ᠣᠢᠷᠠᠳ <ᠭᠡᠰᠡᠷ>》 ᠲᠤ ᠣᠷᠣᠭᠤᠯᠵᠤ᠂ ᠥᠷᠭᠡᠨ ᠢᠶᠠᠷ ᠤᠯᠠᠮᠵᠢᠯᠠᠭᠳᠠᠨ ᠳᠡᠯᠬᠡᠷᠡᠵᠦ᠂ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ ᠬᠢᠨ ᠪᠠ ᠠᠷᠠᠳ ᠤᠯᠠᠨ ᠤ  ᠰᠠᠢᠨ ᠦᠨᠡᠯᠡᠯᠲᠡ ᠶᠢ ᠤᠯᠵᠠᠢ᠃

   1984 ᠣᠨ ᠳᠤ ᠯᠤᠢᠷᠤᠪ  ᠲᠥᠪᠡᠳ ᠲᠤ ᠣᠴᠢᠵᠤ 《ᠭᠡᠰᠡᠷ》  ᠬᠠᠢᠯᠠᠬᠤ ᠲᠣᠭᠯᠠᠯᠲᠠ ᠳᠤ ᠣᠷᠣᠯᠴᠠᠵᠤ᠂  ᠣᠢᠷᠠᠳ 《ᠭᠡᠰᠡᠷ》 ᠢ  ᠬᠠᠢᠯᠠᠪᠠ᠃ 1986 ᠣᠨ ᠤ 5 ᠳ᠋ᠤᠭᠠᠷ ᠰᠠᠷ᠎ᠠ ᠳᠤ᠂ ᠲᠡᠷᠡ ᠪᠠᠷ ᠪᠡᠭᠡᠵᠢᠩ ᠳᠤ ᠪᠣᠯᠤᠭᠰᠠᠨ ᠪᠦᠬᠦ ᠤᠯᠤᠰ ᠤᠨ《ᠭᠡᠰᠡᠷ》 ᠤᠨ ᠠᠵᠢᠯ ᠤᠨ ᠳ᠋ᠦᠩᠨᠡᠯᠳᠡ ᠶᠢᠨ ᠬᠤᠷᠠᠯ ᠳᠡᠭᠡᠷ᠎ᠡ ᠲᠡᠷᠢᠭᠦᠨ ᠦ᠌ ᠬᠤᠪᠢ ᠬᠥᠮᠦᠨ ᠤ ᠢᠷᠠᠭᠤ ᠠᠯᠳᠠᠷ ᠢᠶᠠᠷ ᠡᠩᠬᠡᠷ ᠢᠶᠠᠨ ᠮᠢᠯᠢᠶᠠᠯᠭᠠᠪᠠ᠃ 1991 ᠣᠨ ᠤ 11 ᠳ᠋ᠤᠬᠡᠷ ᠰᠠᠷ᠎ᠠ ᠳᠤ᠂ ᠤᠯᠤᠰ ᠤᠨ ᠰᠣᠶᠣᠯ ᠤᠨ ᠶᠠᠮᠤᠨ᠂ ᠤᠯᠤᠰ  ᠤ᠋ᠨ ᠦᠨᠳᠦᠰᠦᠲᠡᠨ ᠤ ᠵᠥᠪᠯᠡᠯ᠂ ᠳᠤᠮᠳᠠᠳᠤ ᠤᠯᠤᠰ ᠤᠨ ᠨᠡᠢᠭᠡᠮ  ᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠬᠦᠷᠢᠶᠡᠯᠡᠩ᠂ ᠳᠤᠮᠳᠠᠳᠤ ᠤᠯᠤᠰ ᠤᠨ ᠠᠷᠠᠳ ᠤᠨ ᠤᠳᠬ᠎ᠠ ᠤᠷᠠᠯᠢᠭᠴᠢᠳ ᠤᠨ  ᠨᠡᠢᠭᠡᠮᠯᠢᠭ  ᠠᠴᠠ ᠲᠡᠭᠦᠨ ᠳᠤ ᠭᠡᠰᠡᠷᠴᠢ ᠭᠡᠬᠦ ᠢᠷᠠᠭᠤ ᠠᠯᠳᠠᠷ ᠣᠯᠭᠤᠪᠠ᠃ 2007 ᠣᠨ ᠳᠤ᠂ ᠰᠣᠶᠣᠯ ᠤᠨ ᠶᠠᠮᠤᠨ (ᠤᠳᠤ ᠶᠢᠨ ᠰᠣᠶᠣᠯ ᠵᠢᠭᠤᠯᠴᠢᠯᠠᠯ ᠤᠨ ᠶᠠᠮᠤᠨ) ᠠᠴᠠ ᠳᠡᠬᠦᠨ ᠢ ᠠᠩᠬᠠᠳᠠᠭᠴᠢ ᠪᠦᠯᠦᠭ ᠤᠯᠤᠰ ᠤᠨ ᠲᠡᠰ ᠤᠨ ᠪᠣᠳᠠᠰ ᠤᠨ ᠪᠤᠰᠤ ᠰᠣᠶᠣᠯ ᠤᠨ ᠥᠪ ᠤᠨ ᠲᠦᠷᠦᠯ  ᠵᠦᠢᠯ ᠪᠣᠯᠬᠤ ᠭᠡᠰᠡᠷ ᠤᠨ ᠲᠥᠯᠥᠭᠡᠯᠡᠬᠦ ᠴᠢᠨᠠᠷᠲᠠᠢ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠭᠴᠢ ᠪᠠᠷ ᠲᠤᠭᠳᠠᠭᠠᠪᠠ᠃