《 ᠶᠢᠰᠦᠩᠭᠡ ᠶ᠋ᠢᠨ ᠴᠢᠯᠠᠭᠤᠨ ᠪᠢᠴᠢᠭ》 ᠢ᠋ 1818 ᠣᠨ ᠳ᠋ᠤ᠌ ᠣᠷᠤᠰ ᠡᠷᠳᠡᠮᠲᠡᠨ ᠮᠣᠩᠭᠤᠯ ᠤᠯᠤᠰ ᠤ᠋ᠨ ᠡᠷᠭᠦᠨ᠎ᠡ ᠭᠣᠣᠯ ᠳ᠋ᠤ᠌ ᠨᠡᠢᠯᠡᠳᠡᠭ ᠦᠷᠯᠦᠩᠭᠦᠢ ᠭᠣᠣᠯ ᠤ᠋ᠨ ᠳᠡᠭᠡᠳᠦ ᠤᠷᠤᠰᠭᠠᠯ ᠤ᠋ᠨ ᠵᠡᠭᠦᠨ ᠰᠠᠯᠪᠤᠷᠢ ᠪᠣᠯᠤᠭᠴᠢ ᠬᠠᠷᠬᠢᠷ᠎ᠠ ᠭᠣᠣᠯ ᠤ᠋ᠨ ᠬᠠᠪᠢ ᠡᠴᠡ ᠣᠯᠪᠠ᠃ ᠲᠤᠰ ᠴᠢᠯᠠᠭᠤᠨ ᠪᠢᠴᠢᠭ ᠨᠢ 5 ᠮᠥᠷ 21 ᠤᠢᠭᠤᠷᠵᠢᠨ ᠮᠣᠩᠭᠤᠯ ᠦᠰᠦᠭ ᠲᠡᠢ᠃ ᠬᠡᠵᠢᠶ᠎ᠡ ᠪᠢᠴᠢᠭᠳᠡᠭᠰᠡᠨ ᠢ᠋ ᠳᠤᠳᠤᠷᠬᠠᠢ ᠲᠡᠮᠳᠡᠭᠯᠡᠯ ᠦᠭᠡᠢ᠂ ᠠᠭᠤᠯᠭ᠎ᠠ ᠡᠴᠡ ᠨᠢ ᠰᠢᠨᠵᠢᠨ ᠰᠤᠳᠤᠯᠪᠠᠯ 1225 ᠣᠨ ᠤ᠋ ᠦᠶ᠎ᠡ ᠪᠡᠷ ᠪᠢᠴᠢᠭᠳᠡᠵᠡᠢ ᠭᠡᠵᠦ ᠡᠷᠳᠡᠮᠲᠡᠳ ᠦᠵᠡᠳᠡᠭ᠃  ᠠᠭᠤᠯᠭ᠎ᠠ ᠨᠢ ᠴᠢᠩᠭᠢᠰ ᠬᠠᠭᠠᠨ ᠰᠠᠷᠲᠠᠭᠤᠯ ᠢ᠋ ᠳᠠᠢᠯᠠᠭᠠᠳ ᠮᠣᠩᠭᠤᠯ ᠳ᠋ᠤ᠌ ᠪᠠᠨ ᠪᠤᠴᠠᠵᠤ ᠪᠤᠬ᠎ᠠ ᠰᠤᠴᠢᠬᠠᠢ ᠭᠡᠳᠡᠭ ᠭᠠᠵᠠᠷ ᠲᠤ᠌ ᠶᠡᠬᠡ ᠨᠠᠢᠷ ᠬᠢᠬᠦᠯ᠎ᠡ ᠴᠢᠩᠭᠢᠰ ᠤ᠋ᠨ ᠳᠡᠭᠦᠦ ᠬᠠᠰᠠᠷ ᠤ᠋ᠨ ᠬᠣᠶᠠᠳᠤᠭᠠᠷ ᠬᠥᠪᠡᠭᠦᠨ ᠶᠢᠰᠦᠩᠭᠡ 335 ᠠᠯᠳᠠᠰ ᠲᠤ᠌ ᠨᠤᠮᠤ ᠬᠠᠷᠪᠤᠵᠤ ᠤᠨᠤᠳᠤᠭᠰᠠᠨ ᠦᠢᠯᠡ ᠶᠠᠪᠤᠳᠠᠯ ᠢ᠋ ᠲᠡᠮᠳᠡᠭᠯᠡᠵᠡᠢ᠃ ᠴᠢᠯᠠᠭᠤᠨ ᠤ᠋ ᠪᠢᠴᠢᠭ ᠤ᠋ᠨ ᠲᠡᠷᠢᠭᠦᠨ ᠮᠥᠷ ᠲᠤ᠌《 ᠴᠢᠨᠭᠭᠢᠰ ᠬᠠᠨ ᠢ᠋》 ᠭᠡᠰᠡᠨ ᠦᠭᠡ ᠪᠠᠢᠭᠰᠠᠨ ᠤᠴᠢᠷ ᠡᠴᠡ ᠵᠠᠷᠢᠮ ᠡᠷᠳᠡᠮᠲᠡᠳ 《 ᠴᠢᠩᠭᠢᠰ ᠤ᠋ᠨ ᠴᠢᠯᠠᠭᠤᠨ ᠪᠢᠴᠢᠭ》 ᠭᠡᠵᠦ ᠨᠡᠷᠡᠢᠳᠡᠭ᠃ ᠡᠳᠦᠭᠡ ᠵᠥᠪᠯᠡᠯᠲᠦ ᠤᠯᠤᠰ ᠤ᠋ᠨ ᠯᠸᠨᠢᠩᠭᠷᠡᠳ᠋ ᠬᠣᠲᠠ ᠳ᠋ᠡᠬᠢ ᠡᠸᠷᠮᠢᠲ᠋ᠠᠵᠢ ᠶ᠋ᠢᠨ ᠨᠡᠷᠡᠮᠵᠢᠲᠦ ᠮᠦᠽᠧᠢ ᠳ᠋ᠤ᠌ ᠬᠠᠳᠠᠭᠠᠯᠠᠭᠳᠠᠵᠤ ᠪᠤᠢ᠃

ᠲᠤᠰ ᠴᠢᠯᠠᠭᠤᠨ ᠤ᠋ ᠪᠢᠴᠢᠭ ᠤ᠋ᠨ ᠭᠡᠷᠡᠯ ᠵᠢᠷᠤᠭ ᠳᠣᠣᠷᠠᠬᠢ ᠮᠡᠲᠦ᠄

                                                                                                 

                                                                                                ᠪᠡᠯᠡᠳᠭᠡᠭᠰᠡᠨ ᠨᠢ᠄ ᠵᠤᠯᠠᠨ᠎ᠠ                                                                                                  ᠬᠢᠨᠠᠭᠴᠢ᠄ ᠴᠡᠪᠡᠷ᠂ ᠯᠦᠩᠮᠧᠢ

ᠶᠡᠷᠦᠩᠬᠡᠢ ᠬᠢᠨᠠᠭᠴᠢ᠄ ᠰᠤᠶᠤᠯᠲᠦ